Back to homepage

اسہ دلیر او چُنا سے نا قصہ ہرا مُچی سے ٹی گم مننگ آن پد ہم ہچ خلیتو، بدر او نیاڑی اس اودے زوراکی ٹی تینتون دَننگ نا کوشست کرے، ولے لمہ او اُستاد نا ہیت اودے یات اس۔ مگہ او تینا اُرا والا تون ملا؟

چشمک، قلم، ٹارچ و گھڑی نا نیام اٹ بحث اس بنا کرے کہ دیر کل آن جوان او المی اے، ہراتم کل تینا جاگہ غا ایلو نا کاریم ئے کریر ہُرار ولدا سمجھ بس تا کہ دیر جوان اے۔ نما خیال اٹ دنا کاریم کل آن جوان پاننگا؟

گچین او نظم ئس، ساڑی حالیت و واقعہ غاتے مون آ تخسا اسہ جوان او گام ئس، چُناتتون اُراتیان پیشن پیش بروک آ واقعہ غاک او اوفتے تون مون تننگ نا بارواٹ پارت، ہیت ہیت اٹ چُناتے پہہ کننگانے کہ ہر ہیت ئے لمہ باوہ ئے پاننگ اخس المی اے۔

منہ سنگت نا قصہ ہرافک جتا جتا دود و ربیدہ غاتیان تعلق تخنگ آن پد ہم اواری ٹی اسہ ایلو نا خوشی تیٹی بشخ ہلکر۔ دیوالی آ پٹاخہ خلکر، وکٹر تون کرسمس ہم اڈ تسر، سوچنگ نا ہیت دادے کہ اوفک عید ہم کرور؟

بولان نا سیل انا بارواٹ لکھوک او اسہ گچین او نظم اس، کسر اٹ کل بھاز چَس ہلکر، کولپر، مچھ او ایلو جاگہ غاتے ہم خنار، مزئی او گڑا کُنگر۔ بولان نا سیل آ دیر دیر ہناسُر؟

چاگڑد ئے صاف تخنگ کن درخت تخنگ نا قصہ، شار انا پیر انگا کل ئے مچ کرے پارے ہتم نا مُد ئے درخت تخنگ نا وخت اے، دا جکہ او ایلو ناجوڑیک کل ہندا دَنز آن ودی مسنو۔ بندغ آتا کڑدہ جوڑ کرے ہر کڑدہ ئے جتا جتا زمواری تس, کڑدہ غاتا زمواری تا پورو کننگ تون خلق انا رنگ خرن مس۔

جنگل اٹ اڈ ہلوک او اسہ گچین او سال دے اسے نا قصہ، کل سنگت آک اواری ٹی تینا گچین آ سنگت مُرغ سلیمان ئے سرپرائز تسرہ، جنگل اٹ کیک امر جوڑ مس او مُرغ سلیمان ئے اَرا اَرا ٹھیکیک رسینگار؟

رحیم و اونا اُرائی نا درزی نا دوکان اس ئس، ہراڑے کل انا پُچ آتے موغارہ، عید خڑک ئس، ماہ نور و بیبرگ ئے ہم عید اکن پُچ موغفوئی ئس، ہڑتوم آک بھاز گڑا سوچاسُر، لمہ تون اوار دوکان آ ہنار، بیبرگ تینکن پیہن او پُچ پسند کرے، ولے ماہ نور تینکن انت اس جوڑ کرفے؟

ککو ماہ نور ئے بلوچستان نا ہر شار انا سیل ئے کرفے،  ماہ نور نا پرہ غاتے پدی ہلنگ تون اونا خنک ملنگار، لمہ الہ کنا پرہ غاک، لمہ تے پارے امر او پرہ؟ چاوہ نی تُغ اس خناس۔ ماہ نور پارے دنو زیباؤ تُغ۔ بلوچستان نا سیل چَس کرے۔